റാഞ്ചി: സയ്യിദ് മുഷ്താഖ് അലി ട്വന്റി-20 ക്രിക്കറ്റ് ചരിത്രത്തിലെ ഏറ്റവും വലിയ റണ് ചേസിലൂടെ ജാര്ഖണ്ഡിന്റെ റിക്കാര്ഡ് ചേസിംഗ്.
സൂപ്പര് ലീഗ് ഗ്രൂപ്പ് എയില് പഞ്ചാബിന്റെ 235/6 എന്ന സ്കോര് 18.1 ഓവറില് നാല് വിക്കറ്റ് നഷ്ടത്തില് 237 എടുത്ത് ജാര്ഖണ്ഡ് മറികടന്നു. 45 പന്തില് 125 റണ്സ് നേടിയ പഞ്ചാബിന്റെ സലില് അറോറയുടെ സെഞ്ചുറി പാഴായി.
ഗ്രൂപ്പിലെ മറ്റൊരു മത്സരത്തില് ആന്ധ്രയുടെ നിതീഷ് കുമാര് റെഡ്ഡിയുടെ ഹാട്രിക് കാറ്റില്പറത്തി മധ്യപ്രദേശ് നാല് വിക്കറ്റ് ജയം നേടി. സ്കോര്: ആന്ധ്ര 19.1 ഓവറില് 112. മധ്യപ്രദേശ് 17.3 ഓവറില് 113/6.
സൂപ്പര് ലീഗ് ഗ്രൂപ്പ് ബിയില്, നിലവിലെ ചാമ്പ്യന്മാരായ മുംബൈയെ മുഹമ്മദ് സിറാജിന്റെ (3/21, പ്ലെയര് ഓഫ് ദ മാച്ച്) ഹൈദരാബാദ് ഒമ്പത് വിക്കറ്റിനു കീഴടക്കി. സ്കോര്: മുംബൈ 18.5 ഓവറില് 131. ഹൈദരാബാദ് 11.5 ഓവറില് 132/1. ഗ്രൂപ്പിലെ മറ്റൊരു മത്സരത്തില് ഹരിയാന ഏഴ് വിക്കറ്റിന് രാജസ്ഥാനെ കീഴടക്കി.